Дзяржаўная запазычанасць расейскіх рэгіёнаў упала пад націскам інфляцыі

Падзенне квот ледзь не пабіла «рэкорд» 2016 года.

Паскарэнне інфляцыі і моцнае падвышэнне ключавой стаўкі ЦБ адправілі ў вольнае падзенне ўвесь расейскі пазыковы рынак.

Дзяржаўныя аблігацыі рэгіёнаў і пазыковыя паперы карпарацый абрынуліся на Маскоўскай біржы следам за квотамі АФЗ на фоне распродажу, да якога далучыліся нават буйныя дзяржаўныя банкі, паведамляе finanz.ru.

Індэкс чыстых цэн муніцыпальных аблігацый (RUMBICP) прабіў «дно» першай хвалі пандэміі і апусціўся да 3-гадовага мінімуму, ледзь не перапісаўшы антырэкорд з 2016 года (94,45 пункта).

Стаўкі на аблігацыях узляцелі, робячы пазыкі даражэйшымі і ўскладняючы губернатарам фінансаванне бюджэтных "дзірак". Напрыклад, Маскоўская вобласць у студзені магла пазычыць на 2 гады пад 5,3%, а ў сераду прыбытковасць яе бондаў падскоквала вышэй за 9%. Стаўкі на 5-гадовыя паперы Свярдлоўскай вобласці з 5,7% на пачатку года ўзняліся да 8,96%, паводле звестак Rusbonds.

Рынак карпаратыўнай завінавачанасці зазнаў найгоршы тыдзень з пачатку года і закрыў таргі чацвярга на мінімуме за 2,5 гады паводле індэксу (RUCBICP).

«Падзенне квот расейскіх рублёвых аблігацый «адбылося паўсюдна», адзначае генеральны дырэктар «Івалга Капітал» Аляксей Хохрын, але «асабліва пацярпелі» АФП.

Індэкс RGBI закрывае месяц найгоршым падзеннем са снежня 2014 года (на 4,1%), пасля якога на рынку не засталося класічных папер са стаўкамі ніжэйшымі за 8%.

Са слоў трэйдара вялікай расейскай інвестыцыйнай кампаніі, ад партфеля АФП пазбаўляецца вялікі гулец, звязаны з абаронным сэктарам, тады як на куплі з топаў стаіць Сбербанк - ён падбірае доўгія АФП, якія больш здабываюць, калі цыкл узмацнення ад ЦБ скончыцца.

Калі гэта адбудзецца, зрэшты, няясна. Інфляцыя ў Расеі дзясяты тыдзень запар перапісвае рэкорды з 2016 года і дабралася да 8%, удвая перавысіўшы мэту цэнтральнага банка.

"Такія тэмпы інфляцыі павялічваюць імавернасць больш працяглага перыяду перавышэння інфляцыі мэтавага ўзроўню і будуць змушаць Банк Расеі працягваць павышэнне ключавой стаўкі", – адзначае старшы партфельны кіраўнік "Универ Сбережения" Дзмітрый Ібрагімаў. З пачатку года Банк Расеі ўзняў ключавую стаўку з 4,25% да 7,5% гадавых, спрабуючы здагнаць рост цэн і нязменна саступаючы. Грашовы рынак чакае, што пагоня працягнецца і закладвае ў квоты хапок стаўкі да 9% і вышэй на даляглядзе года.

ЦБ ставіць за мэту запаволіць інфляцыю пад канец наступнага года, але інфляцыя цяпер – агульнасусветная праблема, нагадвае галоўны эканаміст ІЧ «Рус-Інвест» Аляксандр Аруцюнян. У ЗША рост спажывецкіх цэн на максімуме за 13 гадоў, у Нямеччыне – за 28 гадоў, а ў цэлым у краінах АЭСР б'е рэкорды з 1992 года.

"Улічваючы, што інфляцыя носіць глабальны характар, з нашага пункту гледжання, дзеянні расейскіх уладаў для яе стрымлівання, імаверней за ўсё, будуць мець абмежаваны эфект з прычыны спецыялізацыі Расеі ў сусветнай эканамічнай сістэме, збольшага, як сыравіннай эканомікі", – кажа Аруцюнян.