У Telegram 70 млн новых карыстальнікаў на фоне збою Facebook

Штодзённыя тэмпы росту аўдыторыі Telegram на парадак перавысілі норму.

Мэсэнджар Telegram зарэгістраваў больш за 70 млн новых карыстальнікаў на фоне маштабнага збою сацыяльнай сеткі Facebook і яе сэрвісаў. Пра гэта паведаміў у сваім Telegram-канале заснавальнік мэсэнджара Павел Дураў у аўторак, 5 кастрычніка.

«Штодзённыя тэмпы росту Telegram на парадак перавысілі норму, і за адзін дзень мы прынялі больш за 70 млн перабежчыкаў з іншых платформаў», - напісаў ён.

Дураў адзначыў, што Telegram працягваў працаваць для большасці карыстальнікаў мэсэнджара. Пры гэтым некаторыя карыстальнікі ў Паўночнай і Паўднёвай Амерыцы маглі сутыкнуцца з больш нізкай хуткасцю, чым звычайна, бо мільёны людзей з гэтых кантынентаў адначасова пачалі рэгістравацца ў Telegram.

Нагадаем, 4 кастрычніка збой у працы Facebook стаў найбуйнейшым у гісторыі. Доступ да сацыяльных сетак і сэрвісаў кампаніі быў закрыты сем гадзін.