Як палепшыць якасць сну і навучыцца хутчэй засынаць

Парады лекара.

Аб тым, як палепшыць якасць сну і навучыцца хутчэй засынаць, распавёў у інтэрв'ю брытанскі лекар, адзін з вядучых экспэртаў каралеўства ў пытаннях здаровага сну і харчавання Грэг Потэр, піша healthinfo.ua. Ён заўважыў, што праблема дрэннага сну часта звязана з адсутнасцю рэгулярнага распарадку, які замацоўвае час засынання і абуджэння. Для многіх людзей гэта не з'яўляецца перашкодай - яны нармальна засынаюць у любы час і ў любым месцы. Аднак калі чалавек з нейкіх прычын становіцца схільны да бессані, гэты фактар мае вялікае значэнне.

"Самае галоўнае для добрага сну - выпрацаваць распарадак і прытрымлівацца яго".

Грэг Потэр канстатуе, што можна навучыць сваё цела праяўляць пэўныя паводзіны ў адказ на пэўныя стымулы. Калі чалавек едзе за стырном і набліжаецца да святлафора, ён пачынае тармазіць, даводзячы гэтае дзеянне да рэфлексу. Гэтак жа і з засынаннем - арганізм павінен рэагаваць дрымотнасцю, калі чалавек кладзецца ўвечары ў ложак.

«Калі вы пакутуеце ад дрэннага сну і пакутлівага доўгага засынання, магчыма, ваша цела асацыюе ложак з няспаннем».

Як палепшыць якасць сну. Са слоў экспэрта, каб навучыцца засынаць хутчэй, важна ўмець зніжаць трывожнасць або ўмоўнае ўзбуджэнне, якія могуць адчувацца пры засынанні. Трэба нанава навучыцца асацыяваць ложак са сном, падкрэслівае ён.

Што для гэтага можна зрабіць: парады лекара.

Не ляжаць у ложку ў стане дрымоты: няма сну - уставайце.

Уначы, праляжаўшы ў ложку 15 хвілін, але не заснуўшы, трэба пакінуць яго і заняцца чым-небудзь расслабляльным пры цьмяным асвятленні, напрыклад, пачытаць кнігу.

Пры неабходнасці начныя ўздымы з пасцелі можна паўтарыць чатыры і пяць разоў - галоўнае, спакойна да гэтага ставіцца: адна ноч без сну - не страшна.

Уставаць раніцай з ложка ў адзін і той жа час кожны дзень.

Зрабіць спальню зручнай для сну: у ёй не павінна быць бязладзіцы, яркага асвятлення, вокны на ноч павінны шчыльна захіляцца ад святла, тэмпература паветра не павінна перавышаць 24 градусаў.

Калі меры не спрацавалі, неабходна звярнуцца да тэрапеўта.

«Людзям з бессанню раю весці дзённік сну. Ён можа выявіць звычкі ладу жыцця ці паўсядзённыя заняткі, якія пагаршаюць якасць сну».