Зяленскі назваў свае галоўныя памылкі на пасадзе прэзідэнта

Памылкі прэзідэнт Украіны пералічыў падчас прэс-марафону.

Прэзідэнт Украіны Уладзімір Зяленскі назваў адной са сваіх памылак на пасадзе кіраўніка дзяржавы давер. Пра гэта ён сказаў 26 лістапада падчас прэс-марафону, які трансляваў Офіс прэзідэнта Украіны.

«Давер да розных людзей – як да дасведчаных, так і не вельмі. Я не разумеў, якая гэта спакуса. Мы толькі па кніжках. А ў мяне гэтага няма, там няма такога доступу да гэтых гісторый – да ўлады, медыя, ценявыя дамоўленасці. ..Людзей гэта моцна мяняе, таму - давер. Я лічу, гэта нумар адзін», - сказаў ён.

Зяленскі не назваў прозвішчаў, але намякнуў на тое, што гаворка ідзе пра кіраўнікоў, якіх ён прызначыў на пасады, а тыя дапусцілі хабарніцтва ў давераных ім структурах.

«Я ўважаю, што гэта мая памылка. Я не ведаў, што такая спакуса ў Вярхоўнай Радзе. Не ведаў, што там можна любіць крэсла. Гэта не адчай, я дастаткова моцны хлопец. Я не хацеў гэтаму навучыцца тут і дзяліць людзей на людзей і асобін. Я канкрэтна гэта падзяліў. Больш стаў любіць сваіх сабак з гэтай прычыны. Гэта мае глабальныя памылкі. Яны ёсць. І не толькі. Я лічу, што мне трэба было мацней дзейнічаць, нягледзячы на тое, што гэта на 99% залежыла ад Расеі , але мне трэба было мацней дзейнічаць з пункту гледжання нашых дамоўленасцяў. Трэба было больш рызыкаваць», - заявіў прэзідэнт.

Ён дадаў, што гэта можна паправіць, таму што некаторыя праблемы вырашаюцца спрынтарскі, а некаторыя - па-стаерску.

«Я вельмі хацеў спрынт і перамагчы ў ім, але перайшоў са спрынту ў праграму больш працяглую. Калі вы мне скажаце яшчэ, я з задавальненнем падтрымаю і прызнаюся», - адзначыў Зяленскі.

Ён прызнаўся, што ёсць некалькі момантаў, пра якія ён пашкадаваў, у прыватнасці, што пагадзіўся жыць на дзяржаўным лецішчы.

«Мне трэба было вельмі хутка купляць дом. Купляць два дамы. За свае грошы. Засяляць туды ахову, хутка ставіць туды бяспечныя гісторыі, каб людзі не думалі, што мне хочацца гэтага», - падкрэсліў кіраўнік дзяржавы.