Reuters: Лукашэнка разганяе інфляцыю ў Расеі
26- 3.12.2021, 18:50
- 27,508
Расейскія вытворцы прадуктаў харчавання сутыкнуліся з праблемамі праз крызіс на беларуска-польскай мяжы.
Расейскія вытворцы прадуктаў харчавання сутыкнуліся з праблемамі праз міграцыйны крызіс на беларуска-польскай мяжы, паведамляе Reuters.
Праз закрыццё прапускных пунктаў на тэрыторыі Польшчы ўтварыліся коркі з цяжкавікоў. Узніклі перабоі з пастаўкамі сыравіны. Імпарцёры нясуць страты і могуць прыпыніць працу заводаў, - распавялі крыніцы агенцтва на рынку.
Адзначым, што ў Расеі зафіксавалі новы шасцігадовы рэкорд росту коштаў. Толькі за тыдзень з 23 да 29 лістапада індэкс спажывецкіх коштаў вырас на 0,46%.
Крызіс абвастрыўся на пачатку мінулага месяца, калі Лукашэнка пачаў звозіць на мяжу з Польшчай тысячы выхадцаў з краін Блізкага Усходу. У адказ на гэта Варшава закрыла некалькі памежных пераходаў і прыстрашыла цалкам спыніць рух паміж краінамі.