Пясец-дыпламатыя
10- ТЭЛЕГРАМ-КАНАЛ «СЕРПОМ ПО»
- 4.12.2021, 11:23
- 17,546
Але ж расейцаў папярэджвалі даўно!
«Вата» замілоўваецца, як жа класна МЗС-Захарава пакпіла з заходніх перагаворшчыкаў, апублікаваўшы ў сваім тэлеграм-канале фота шэфа на саміце АБСЕ ў Стакгольме з подпісам: «у пакоі перамоў партнёраў чакалі двое: Лаўроў і пясец».
Што тут скажаш, цётка Маша сваёй своеасаблівай мовай у чарговы раз пацвердзіла сёлетні ўзровень расейскай дыпламатыі. Час, час ужо запрашаць мацюкальшчыцу Мятліну на працу ў лаўроўскае МЗС. Чаго ўжо саромецца і ўжываць сугучныя словы.
Што ж тычыцца «заходніх партнёраў», то наўрад ці яны ацанілі захараўскія сугуччы. Можа праз тое, што ніхто ўжо не звяртае ўвагі на яе жарцікі і выпады, стаміўшыся адчуваць «гішпанскі сорам». А можа таму, што ў большасці еўрапейскіх моў пясец - гэта проста палярная/арктычная лісіца, а не тое, што звычайна чуецца расейскаму вуху.
Але для ўнутранага карыстання Захарава, можна сказаць, прыдумала замест ранейшай мянушкі - «сумны (журботны) конь» - новую для Лаўрова. Некалі прафесійнага дыпламата, які дэградаваў пры Пуціне да незабыўнага «дэбілы, *ляць». Ды, што, там для Лаўрова - для ўсёй пуцінскай дыпламатыі.
Ну, а тое самае слова, так падобнае на «пясец», стала ўсё часцей гучаць з вуснаў звычайных расейцаў зусім з іншых, менш патрыятычных нагодаў. Усё больш пасля таго, як яны, адышоўшы ад касы ў прадуктовай краме, пачынаюць вывучаць выніковы квіток. А вас жа папярэджвалі даўно! Яшчэ тады, калі ён «бачны быў здалёку».
Тэлеграм-канал «Серпом По»