На чарговы эвакуацыйны рэйс у Ірак зарэгістраваліся 419 пасажыраў
1- 4.12.2021, 16:16
- 3,864
З Беларусі самалётамі авіякампаніі Iraqi Airways вывезлі ўжо больш за дзве тысячы нелегалаў.
Сёння, 4 снежня, у Ірак адправіцца чарговая група мігрантаў, паведамляе прэс-служба Нацыянальнага аэрапорта "Мінск".
На вывазны рэйс авіякампаніі Iraqi Airways Менск-Эрбіль зарэгістраваліся 419 пасажыраў — 415 дарослых і чацвёра малых да двух гадоў.
Вылет Boeing 747-400 Iraqi Airways запланаваны на 15.45.
З Беларусі самалётамі авіякампаніі Iraqi Airways вывезлі ўжо больш за дзве тысячы мігрантаў. Пры гэтым іх колькасць у ГЛЦ "Брузгі" на беларуска-польскай мяжы практычна не змянілася.