Віктару Бабарыку ў калонію напісала сямігадовае дзіця - палітык яму адказаў

Кранальнай перапіскай падзяліўся штаб палітвязня.

«Віктар Бабарыка, добры дзень! Нам вельмі шкада, што ты ў турме. Як у цябе справы? А на колькі год цябе пасадзілі ў турму?! Мяне клічуць Цімур! Я хаджу ў 1 клас у майго класа літара В 1В. Мне 7 гадоў, у верасні ў мяне Дзень нараджэння! А калі ў цябе?

Я займаюся шахматамі! У класе ў мяне закахаліся дзяўчынкі! Я люблю збіраць лега. А хто пасадзіў цябе ў турму? У мяне ёсць малодшы брат яму 3 гады. З Новым годам цябе.

Я люблю займацца футболам. Мне вельмі весела, калі я ў яго гуляю. Да сустрэчы», - піша маленькі Цімур у экс-прэтэндэнту ў кандыдаты на пасаду прэзідэнта Беларусі і былому старшыні «Белгазпрамбанка» Віктару Бабарыку ў лісце.

Віктар Бабарыка адмыслова пісаў адказ вялікімі літарамі, каб хлопчыку было прасцей прачытаць. Хто рэгулярна піша Віктару Дзмітрыевічу, той ведае: почырк у яго такі, што не з першага разу і разбярэш.

«Добры дзень, Цімур! Шчыра дзякую за ліст! Мяне пасадзілі ў турму кепскія людзі на 14 гадоў, але я думаю, што ты вырасцеш і вызваліш мяне. Мой дзень народзінаў ужо быў 9 лістапада. А я вучыўся ў класе з літарай "Б" усе 10 гадоў.

Малайчына, што займаешся шахматамі, значыць хочаш быць любіў лега. А дзяўчынак не крыўдзі яны хочуць, каб ты пра іх клапаціўся і абараняў.

Слухайся бацькоў і расці разумным хлопчыкам. І заўсёды памятай, што ты беларус!»

Як напісаць Віктару Бабарыку: ВК №1 211440, г. Наваполацк, вул. Тэхнічная, 8.