Беларусу прыйшоў ліст на транспартны падатак за матацыкл, які сканфіскавалі больш за 20 гадоў таму

Тэхнічная памылка або некампетэнтнасць службовых асоб?

У чытача abw.by Віктара Міхайлавіча склалася спрэчная сітуацыя. Не так даўно ён атрымаў паведамленне аб выплаце транспартнага падатку на матацыкл "Мінск". Няхай бы, але гэтую тэхніку сканфіскавалі паводле прысуду больш за 20 гадоў таму. Дакументаў не захавалася, бо столькі год мінула. Няўжо давядзецца плаціць?

Пытанні замест дапамогі

Рабіць гэта Віктар не ладзіўся і звярнуўся праз электронную пошту ў падатковую інспекцыю з просьбай разабрацца ў сітуацыі, якая склалася.

Віктар запоўніў форму, адправіў яе і дачакаўся адказу, але падатковая яго здзівіла - не разабраліся. На двух старонках адказу былі пералічаныя артыкулы Падатковага кодэкса, з якіх вынікала, што раз у ДАІ матацыкл лічыцца за канкрэтным уладальнікам, то і плаціць давядзецца менавіта яму.

Сп.Віктар у сваёй заяве не прасіў падатковую інспекцыю зняць з уліку матацыкл альбо зрабіць гэта шляхам запыту падатковага органа ў ДАІ. Ён прасіў "разабрацца ў маім канкрэтным выпадку".

Прапанова падатковага органа звярнуцца ў Дзяржаўную аўтаінспекцыю для зняцця з уліку транспартнага сродку выглядае ў дадзеным выпадку дзіўнай, бо матацыкл быў сканфіскаваны паводле прысуду. Гэта азначае, што матацыкл, мусібыць, быў прададзены праз спецыялізаваныя арганізацыі, адпаведна, транспарт, напэўна, мае ўладальніка, які на спрэс законных падставах набыў матацыкл і эксплуатуе яго для сваіх мэт.

Дапусцім, матацыкл можна зняць з уліку ва ўтыль, калі ён на працягу трох гадоў не "адзначыся" ў базах звестак ДАІ ды іншым уліку (п.42 пастановы ўрада №1849). Але тады меркаваны законны ўладальнік матацыкла пры сустрэчы на дарозе з інспектарам ДАІ даведаецца, што ездзіць на гэтым матацыкле нельга, бо афіцыйна ён утылізаваны. Прадаць такі матацыкл таксама не выйдзе, бо рэгістрацыйныя дзеянні з утылізаваным транспартам не здзяйсняюцца, што пазначана ў п.3 пастановы №1849.

Трымаць у галаве трэба яшчэ адзін дакумент:

Указ нумар 63 "Аб удасканаленні работы з маёмасцю, сканфіскаванай, арыштаванай або накіраванай у даход дзяржавы".

236. Не дапускаецца далейшая дзяржаўная рэгістрацыя ў ДАІ транспартных сродкаў, перададзеных на прамысловую перапрацоўку (утылізацыю) або рэалізаваных для выкарыстання ў якасці запасных частак, у тым ліку ў неразабраным выглядзе.

Чаму ў базе звестак матацыкл лічыцца за Віктарам, бо пасля канфіскацыі звесткі пра гэта мелі ўнесці ў базу? Тэхнічная памылка або некампетэнтнасць службовых асоб? Пытанне, з якім трэба было разабрацца, як і прасіў заяўнік у лісце ў падатковую інспекцыю, а не адпраўляць яго ў ДАІ, адкуль пры такіх абставінах яго таксама могуць адправіць куды-небудзь разбірацца.

Як мае быць?

Развіццё падзей пасля звароту заяўніка ў падатковую інспекцыю мае выглядаць наступным чынам.

У адпаведнасці з арт.14 Закона аб зваротах грамадзян і юрыдычных асоб "звароты грамадзян лічацца разгледжанымі фактычна, калі вывучаны ўсе выкладзеныя ў іх пытанні і зробленыя належныя захад для забеспячэнні рэалізацыі правоў і вольнасцяў грамадзян ды іхніх інтарэсаў. Пісьмовыя адказы маюць быць абгрунтаванымі, матываванымі, са спасылкамі на нормы заканадаўства і змяшчаць канкрэтныя фармулёўкі" (арт.18 Закона).

Паведамленне аб транспартным падатку складае і накіроўвае ўладальнікам транспартных сродкаў падатковая інспекцыя, у задачу якой уваходзіць у тым ліку абавязак законна і правільна вылічваць падаткі (п.4 Парадку дзейнасці Міністэрства падаткаў і збораў, пастанова ўрада нумар 1592 ад 31.10.2001).

У гэтай частцы мяркуем, што ў рамках разгляду звароту заяўніка можна было накіраваць запыт у суд, які прымаў пастанову аб канфіскацыі транспартнага сродку. Тэрміны захоўвання спраў у залежнасці ад іх катэгорыі розныя. У тым ліку ёсць магчымасць звярнуцца ў органы, якія працуюць з маёмасцю, звернутай у даход дзяржавы - можна атрымаць звесткі там і накіраваць іх у ДАІ для ўнясення змен у базу звестак. Варыянты ёсць, было б толькі жаданне іх выкарыстоўваць.

Таму рэкамендуем сп.Віктару абскардзіць адказ, які паступіў яму, на падставе арт.20 Закона аб зваротах грамадзян і падаць вышэйназваныя аргументы. Тады справа зрушыцца з мёртвага пункту, цяжар падатку за даўно сканфіскаваны матацыкл з яго здымуць.