Памёр стваральнік «Кінатаўра» Марк Рудынштэйн
3- 5.12.2021, 19:06
- 23,520
75-гадовы прадусар быў шпіталізаваны 16 лістапада.
Стваральнік «Кінатаўра», прадусар Марк Рудынштэйн памёр ва ўзросце 75 гадоў. Пра гэта ТАСС паведаміла крыніца ў ягоным атачэнні.
«Марк памёр гадзіну таму ў бальніцы на Таганцы», – сказаў суразмоўца агенцтва.
75-гадовы Марк Рудынштэйн быў шпіталізаваны 16 лістапада. Ён вядомы як стваральнік фестывалю «Кінатаўр», прадусер і актор. Сярод работ з яго ўдзелам — меладрама «Приходи на меня посмотреть», дэтэктыў «Завтра будет завтра», драма «Вольф Мессинг: видевший сквозь время», меладрама «Московская сага» і іншыя.
15 гадоў «Кінатаўрам» кіраваў Марк Рудынштэйн. У 2004 годзе фестываль узначаліў Аляксандр Раднянскі і зрабіў кардынальную змену — фестываль адмовіўся ад правядзення міжнароднага конкурсу і поўнасцю сфакусаваўся на расейскім кінематографе.