У маскоўскім метро зрабілі надпісы на ўзбекскай і таджыкскай мовах

Мясцовым жыхарам гэта не спадабалася.

Кіраўнік Рады правоў чалавека пры прэзідэнце Расеі Валерый Фадзееў папрасіў мэра Масквы Сяргея Сабяніна «разабрацца» з надпісамі ў маскоўскім метро на ўзбекскай і таджыкскай мовах.

У Раду паступаюць шматлікія скаргі на стварэнне адзінага міграцыйнага цэнтра ў вёсцы Сахарава ў Новай Маскве. «Адмысловае раздражненне» ў жыхароў Масквы выклікаюць надпісы на ўказальніках найбліжэйшых станцый метро, зробленыя на ўзбекскай і таджыцкай мовах

Фадзееў папрасіў Сабяніна разгледзець скаргі жыхароў і паінфармаваць яго аб прынятых захадах.

Надпісы на таджыкскай і ўзбекскай мовах з'явіліся ў верасні на ўказальніках на станцыях «Прокшына» і «Лесапаркавая», ад якіх ходзяць аўтобусы да міграцыйнага цэнтра. Гэта рабілі для зручнасці мігрантаў.