У Швайцарыі абмяркоўваюць прывілеі для вакцынаваных

Для вакцынаваных людзей прапануюць дазволіць свабоднае наведванне рэстарацый, канцэртаў і масавых мерапрыемстваў.

У Швайцарыі дапускаюць выключэнні з карантынных правілаў для людзей, якія вакцынаваныя ад каранавіруса, каб заахвоціць да вакцынацыі.

Як піша "Еўрапейская праўда" са спасылкай The Local, пра гэта даведалася выданне Blick, азнаёміўшыся з дакументам аб планах уўрада.

Журналісты сцвярджаюць, што гаворка ідзе пра дыскусійны дакумені федэральнага дэпартамента ўнутраных спраў, і што ў ім гаворыцца аб прывілеях для вакцынаваных грамадзян, хоць для гэтага няма юрыдычнай падставы.

У дакуменце, як сцвярджаецца, гаворка не ідзе аб абмежаванні доступу да медыцынскіх паслуг у залежнасці ад прышчэпкі, але прыватныя клінікі патэнцыйна змогуць патрабаваць даведку пра вакцынацыю, калі захочуць гэта зрабіць.

Для вакцынаваных людзей прапануюць дазволіць свабоднае наведванне рэстарацый, канцэртаў і масавых мерапрыемстваў. У той жа час, выключэнняў з "маскавага рэжыму" не прадбачыцца.

Адзначаецца, што пакуль гаворка ідзе пра далёкую перспектыву і такі падыход патэнцыйна можа быць выкарыстаны толькі пасля таго, як вакцына будзе даступная ўжо для большасці дарослага насельніцтва. Мяркуецца, што гэта можа адбыцца "не пазней чым у траўні-чэрвені".

Таксама прадугледжваюцца выключэнні для людзей, якія праз алергічныя рэакцыі, цяжарнасць ці іншыя медыцынскіх супрацьпаказанні не могуць вакцынавацца - але для іх "пропускам" можа стаць здадзены загадзя тэст або імгненны тэст на месцы.