Стаўка рэфінансавання, новы КаАП, дэдлайн у падатках, замарозка коштаў: Галоўныя змены сакавіка

Што чакае беларусаў у першы месяц вясны?

З 1 сакавіка абмяжуюць рост коштаў некаторых тавараў і айчынных лекаў, падвысяць кошты асобных марак цыгарэтаў. У наступным месяцы таксама ўлады плануюць вызначыць, што будзе са стаўкай рэфінансавання, ад якой у тым ліку залежаць стаўкі ў крэдытах.

Да канца сакавіка беларусам трэба даць справаздачу ў падаходным падатку. І адна з важных зменаў – абновяць КаАП.

Партал tut.by склаў падборку сакавіцкіх змяненняў, якія могуць адбіцца на таўшчыні гаманцоў беларусаў.

Лёс стаўкі рэфінансавання

Кіраванне Нацбанка 12 сакавіка на чарговым пасяджэнні павінна прыняць пастанову ў стаўцы рэфінансавання, да якой прывязаныя некаторыя крэдыты. Павышэнне стаўкі рэфінансавання азначае рост і адсоткавых ставак у крэдытах.

Раней 17 лютага Нацбанк адклаў пастанову пра стаўку рэфінансавання, якая цяпер складае 7,75% гадавых. Прычына – «неабходнасць правядзення дадатковага аналізу прагнознай дынамікі спажывецкіх коштаў і ацэнкі даўжыні ўздзеяння ключавых чыннікаў, якія прывялі да паскарэння росту спажывецкіх коштаў».

Абновяць КаАП: ад удзелу ў мітынгах да ўнёскаў у ФСАН

З 1 сакавіка ў Беларусі запрацуе абноўлены Кодэкс адміністрацыйных правапарушэнняў. Сярод іншага ён змяшчае навіны і для кіроўцаў, змены ў частцы парушэнняў валютнага заканадаўства, уводзіцца адказнасць за парушэнні заканадаўства ў сферы персанальных звестак.

Улады робяць больш жорсткай адказнасць за арганізацыю і ўдзел у несанкцыянаваных масавых мерапрыемствах, незаконнае выкарыстанне сцягоў і абразу. Акрамя таго, з'явіўся новы від адміністрацыйнага пакарання – грамадскія працы.

З 1 сакавіка таксама ўвядуць абноўлены КаАП, новаўвядзенні ва ўнёсках у Фонд сацыяльнай абароны насельніцтва – абавязковых страхавых і на прафесійнае пенсійнае страхаванне. Змены датычацца адказнасці за парушэнні ў выплаце гэтых унёскаў. Новаўвядзенні ўводзяць абноўленым КаАП, вынікае з тлумачэнні ФСАН.

Змены ў коштах прадуктаў і лекаў

Урад увёў істотныя абмежаванні ў росце коштаў на 62 віды сацыяльна значных тавараў: многія віды гародніны, малочкі, крупы, а таксама на 50 асобных айчынных лекаў. З 1 сакавіка вытворцам, пастаўшчыкам і гандлю забаранілі павышаць кошты больш чым на 0,2% за месяц. То-бок рост коштаў замарозілі на ўзроўні 0,2% за месяц. Пры гэтым да канца лютага кошты ў гэтых пазіцыях і зусім нельга павышаць.

Гэтай пастанове чыноўнікаў папярэднічала павышэнне ПДВ на лекі, медвырабы і некаторыя прадукты, чаму ў тым ліку выраслі раздробныя кошты, а гадавая інфляцыя ў студзені разагналася яшчэ больш, чым у снежні.

Да канца сакавіка чыноўнікі таксама павінны вызначыцца, ці будуць прадаўжаць абмежаванні для вытворцаў у максімальнай рэнтабельнасці на сацыяльна значныя тавары, а для аптовага і раздробнага гандлю – у памежна максімальных надбаўках. Нагадаем, раней дзяржава падаўжала падобнае рэгуляванне на 90 дзён – з 1 студзеня да 31 сакавіка.

Паспець даць справаздачу ў падатках

Падаць падатковую дэкларацыю за 2020 год трэба не пазней за 31 сакавіка 2021, заплаціць падатак – не пазней за 1 чэрвеня.

– У Беларусі дзейнічае фіксаваная стаўка падаходнага падатку, якая роўная 13%. Гэта значыць, што для таго, каб зразумець, колькі давядзецца заплаціць падатку, трэба суму прыбытку падзяліць на сто і памножыць на трынаццаць. Ёсць розныя льготныя стаўкі падаходнага падатку памерам 4%, 6% і 9%, напрыклад пры атрыманні выйгрышу ад беларускіх арганізатараў азартных гульняў або дывідэндаў ад кампаніі – рэзідэнта ПВТ, але, як правіла, такія падаткі за вас утрымліваюць падатковыя агенты, гэта значыць тыя, хто выплачвае вам прыбытак. Ёсць і падвышаная стаўка 16%, – тлумачаць спецыялісты юрыдычнай кампаніі REVERA.

Эксперты нагадваюць, што за непадачу дэкларацыі прадугледжаная адказнасць да 290 рублёў.

Індывідуальным прадпрымальнікам, адвакатам і натарыусам трэба паспець да 1 сакавіка выплаціць абавязковыя страхавыя ўнёскі за 2020 год. Як разлічыць суму падатку, як яго выплаціць, а хто ад яго вызвалены, раней расказалі ў Менскай гарадской управе ФСАН.

Падаражэюць цыгарэты

З 1 сакавіка вырастуць кошты некаторых цыгарэтаў. Так, вырасце кошт асобных марак цыгарэтаў Гарадзенскай тытунёвай фабрыкі «Нёман», кампаніі «Тытунь-Інвест», «Беларусьгандаль», «Інтэр Табака». На некаторыя цыгарэты рост кошту складзе 10 капеек.

Беларускія вытворцы і імпарцёры цыгарэтаў могуць кожны месяц дэклараваць максімальныя раздробныя кошты цыгарэтаў і іншых тытунёвых вырабаў. Як правіла, з 1 дня месяца павышаюцца кошты тых ці іншых цыгарэтаў і ўводзяцца ў продаж новыя маркі. Спіс цыгарэтаў, якія падаражэюць, і максімальныя кошты можна паглядзець на сайце МПЗ.