Навукоўцы высветлілі, да якіх мутацый прывядзе глабальнае пацяпленне на Зямлі

Высновамі падзяліліся даследнікі з універсітэта горада Упсала ў Швэцыі.

Цяплейшы глабальны клімат можа выклікаць больш сур'ёзныя наступствы мутацый для здароўя арганізмаў праз іх згубнае ўздзеянне на функцыю бялкоў.

Гэта можа мець сур'ёзныя наступствы для здольнасці арганізмаў прыстасоўвацца і выжываць у змененых асяроддзях прабывання будучага, упэўненыя навукоўцы з універсітэта горада Упсала ў Швэцыі, піша nv.ua.

Прыроднае асяроддзе зменьваецца ўсё больш хуткімі тэмпамі праз далейшае змяненне клімату. Гэта прыносіць новыя ўмовы жыцця для многіх відаў.

«У канчатковым выніку арганізмы павінны будуць генетычна адаптавацца да гэтых хуткіх змяненняў навакольнага асяроддзя: у адваротным выпадку яны могуць знікнуць. Гэтая адаптацыя можа адбывацца за кошт мутацый, якія выклікаюць змены ў геноме, што выгадныя ў новым асяроддзі. Але вельмі часта мутацыі маюць негатыўныя наступствы для той асобіны, якая іх нясе», - кажа Дэвід Бергер з факультэта экалогіі і генетыкі Упсальскага ўніверсітэта.

У новым даследаванні тэарэтычныя мадэлі таго, як функцыянуюць бялкі, былі аб'яднаныя з вынікамі эксперыментаў, якія параўноўваюць уплыў мутацый на розныя формы жыцця ў розных асяроддзях пасялення.

Аўтары працы змаглі высветліць, як арганізмы жылі ў розных асяроддзях да і пасля з'яўлення мутацый. Перш за ўсё, мэта палягала ў тым, каб высветліць, ці выклікаюць умовы навакольнага асяроддзя, датычныя да лёгкага стрэсу ў чалавека, больш-менш выяўленае згубнае ўздзеянне мутацый. Яны маніпулявалі тэмпературай, каб высветліць, які эфект гэта зрабіла.

«Экземпляры з мутацыямі і без мутацый так жа моцна пакутавалі ад стрэсавага асяроддзя. Але калі мы паглядзелі на даследаванні, у якіх маніпулявалі тэмпературай, мы выявілі, што пры больш высокіх тэмпературах эфекты ў асобін, якія нясуць новыя мутацыі, былі горшыя, чым у тых, у каго іх не было», - кажа Бергер.

Даследаванне паказвае, што калі разлікі Міжурадавай групы экспэртаў у змене клімату (МГЭЗК) глабальнага пацяплення на 2-4°C у будучым стагоддзі стануць рэальнасцю, то ў выніку згубныя наступствы новых мутацый у трапічных відаў могуць падвоіцца.

«Паколькі мутацыі перадаюцца па спадчыне і ўзнікаюць у кожным новым пакаленні, прыкметнае ўзмацненне іх шкоднага ўздзеяння будзе мець сур'ёзныя наступствы як для прыстасавальнасці арганізмаў, так і для тыпаў адаптацыі, якія мы можам чакаць, калі глабальныя тэмпературы будуць расці», - кажа Бергер.

Раней НВ пісаў, што цягам наступных чатырох дзясяцігоддзяў, да 2050 года, жыхароў Зямлі чакаюць рэгулярныя паводкі, штормы і моцная засуха. Пра гэта папярэджвае Сусветная метэаралагічная арганізацыя пры падтрымцы ААН.

У межах кампаніі перад самітам ААН аб змяненні клімату, арганізацыя, пры ўдзеле вядомых тэлевядоўцаў прагнозаў надвор'я, запісала серыю ролікаў «Прагноз надвор'я з будучыні». У праекце ўзялі ўдзел такія буйныя кампаніі як Japan's NHK, US Weather Channel і нямецкая кампанія ARD.

У прагнозах надвор'я 2050-га года гаворыцца пра затапленне горада Маямі Біч, паводку ў Фларыдзе, наймацнейшую засуху ў Арызоне, якая прывяла да шматлікіх ахвяр.

Метэаролагі падкрэсліваюць, што ў гэтым рэгіёне ЗША, дзе тэмпературны рэкорд 45 градусаў па Цэльсіі быў зафіксаваны ў 1916-м годзе, сярэдняя тэмпература ў 2050-м дасягне 50 градусаў.