Украіна ўвяла дадатковыя абмежаванні на мяжы з Беларуссю
1- 13.04.2021, 11:51
- 10,686
Каго яны закрануць?
Украіна ўвяла дадатковыя абмежаванні на дзейнасць паблізу мяжы з Беларуссю. Як паведамляе Паўночная рэгіянальная ўправа Дзяржаўнай памежнай службы Украіны, яны будуць дзейнічаць на тэрыторыі памежных раёнаў Ровенскай вобласці да 31 снежня гэтага года.
Абмежаванні тычацца правядзення работ у начны час у непасрэднай блізкасці ад мяжы, у іншы час трэба будзе папярэдне паведамляць памежнікам. Таксама забараняецца перамяшчэнне з 22 гадзін да 6 гадзін па дарогах, якія вядуць да мяжы, за выключэннем дарог да пунктаў пропуску.
Абмяжоўваецца стаянка транспартных сродкаў на ўзбочынах дарог, разгрузка, пагрузка грузаў, пасадка і высадка пасажыраў паміж мяжой і пунктамі пропуску.
Забараняюцца палёты беспілотных лятальных апаратаў і лёгкаматорны лятальных апаратаў без папярэджання органаў памежнай службы не менш чым за 24 гадзіны да палёту. Аналагічная забарона ўводзіцца для маламерных суднаў, але ў гэтым выпадку папярэдзіць памежнікаў трэба будзе не менш чым за гадзіну. Уводзяцца абмежаванні на вадалазныя работы, прыпыненне цягнікоў.