Мэркель зрабіла прышчэпку ад каранавіруса вакцынай AstraZeneca
5- 16.04.2021, 17:02
- 2,226
Канцлерка Нямеччыны падзякавала ўсім, хто ўдзельнічае ў вакцынацыі.
Канцлерка Нямеччыны Ангела Мэркель атрымала першую дозу вакцыны ад каранавіруса прэпаратам AstraZeneca.
Пра гэта паведаміў у Twitter прадстаўнік нямецкага ўрада Штэфі Зайберт.
«Я рада, што сёння мне зрабілі першую прышчэпку AstraZeneca. Я хачу падзякаваць усім, хто ўдзельнічае ў кампаніі вакцынацыі, і ўсім, хто вакцынаваўся. Вакцынацыя - ключ да пераадолення пандэміі», - працытаваў Зайберт словы канцлеркі.
Адзначым, у Нямеччыне ўжо больш за 14,7 мільёнаў чалавек вакцынаваныя супраць COVID-19.
Kanzlerin #Merkel: „Ich freue mich, dass ich heute die Erstimpfung mit AstraZeneca bekommen habe. Ich danke allen, die sich in der Impfkampagne engagieren – und allen, die sich impfen lassen. Das Impfen ist der Schlüssel, um die Pandemie zu überwinden.“ pic.twitter.com/P4kMJYNrlc
— Steffen Seibert (@RegSprecher) April 16, 2021
