Расея абвясціла пяцярых польскіх дыпламатаў персонамі нон грата

Яны павінны пакінуць краіну да канца дня 15 траўня.

Расейскі бок інфармаваў выкліканага ў МЗС РФ амбасадара Польшчы ў Маскве Кшыштафа Краеўскага пра сваю пастанову выслаць пяць супрацоўнікаў польскага дыппрадстаўніцтва, яны мусяць з'ехаць з краіны да 15 траўня ўключна. Пра гэта гаворыцца ў распаўсюджаным у пятніцу каментары МЗС РФ.

«Міністэрства абвясціла персонамі нон грата пяцярых супрацоўнікаў пасольства Рэспублікі Польшча ў Расейскай Федэрацыі. Ім належыць пакінуць тэрыторыю Расейскай Федэрацыі да канца дня 15 траўня 2021 года», - паведамілі на Смаленскай плошчы.