Картэж прэм'ер-міністра РФ трапіў у ДТЗ: «змяшаліся» шэсць аўтамабіляў
7- 23.04.2021, 14:01
- 11,256
Інцыдэнт адбыўся на Рублёва-Успенскай шашы.
У Расейскай Федэрацыі на Рублёва-Успенскай шашы адбылася буйная аварыя з удзелам аўтамабіля «Аўрус Арсенал», які выкарыстоўваецца ва ўрадавым картэжы. Пра гэта гаворыцца ў паведамленні Telegram-канала «Mash».
«ДТЗ адбылося каля вёскі Жукаўкі, у кучу змяшаліся шэсць аўто, у тым ліку рэйсавы аўтобус. Пацярпела адна жанчына, у яе параненыя вусны і падбародак. «Аўрус», папярэдне, належыць да картэжу прэм'ера Мішусціна. Усяго ў ДТЗ трапілі 6 аўто. Пацярпела кіроўца «Фольксвагена», яна адмовілася ад шпіталізацыі», - гаворыцца ў паведамленні.