СМІ: Супрацоўнікі ГРУ РФ былі ў Балгарыі падчас выбухаў на складах зброі

Балгарская рэдакцыя «Радио Свобода» апублікавала расследаванне.

Супрацоўнікі Галоўнага разведвальнага ўпраўлення РФ знаходзіліся ў Балгарыі ў той час, калі там мела месца серыя выбухаў на вайсковых складах.

Як паведамляе «Европейская правда», пра гэта гаворыцца ў расследаванні балгарскай рэдакцыі «Радио Свобода».

На працягу 2014 года ў розных месцах Балгарыі адбыліся чатыры выбухі на аб'ектах, дзе вырабляецца зброя і боепрыпасы. У адным месцы, Горны Лом, на паўночны захад ад Сафіі на мяжы з Сербіяй, загінула 15 чалавек.

21 сакавіка 2015 года ў пасёлку Іганава адбыліся выбухі на вазаўскім машынабудаўнічым заводзе «Сопат» - дзяржаўным аб'екце, дзе вырабляюцца супрацьтанкавыя боепрыпасы, зенітныя ракеты і іншая зброя. Праз тры тыдні, 14 красавіка, на тым жа заводзе зноў прагрымелі выбухі, часткова разбурыўшы адну частку вялікага комплексу. У абодвух выпадках абышлося без пацярпелых і загінулых.

Балгарскія пракуроры расследавалі прычыну выбухаў, але абвінавачванне было выстаўленае толькі ў адным эпізодзе: выбух 1 кастрычніка 2014 у Горным Ломе. Пазней чатыры абвінавачваныя былі апраўданыя. Публічнай інфармацыі пра тое, што здарылася з іншымі расследаваннямі, няма.

Расследаванне журналістаў паказвае на магчымую сувязь паміж ГРУ РФ і балгарскімі выбухамі.

Прыблізна ў час выбухаў на заводзе ў Іганава вясной 2015 года не менш за шэсць расейцаў, якіх ідэнтыфікавалі як агентаў ГРУ, рэгулярна прыязджала і ад'язджала з Балгарыі.

Больш за тое, звесткі пра палёты і інфармацыя паводле адсочвання GPS, упершыню сабраныя групай Bellingcat, указваюць на яшчэ аднаго меркаванага агента ГРУ, які прыехаў у Балгарыю і выехаў з краіны, блізка да даты выбухаў 2014 года.

Гэтае ж падраздзяленне таксама звязана са спробамі атручвання балгарскага гандляра зброяй Эміліяна Гебрава, склады якога былі знішчаны выбухамі ў Чэхіі. Першае з двух атручванняў, перанесеныя Гебравым, адбылося 28 красавіка 2015 г. - праз два тыдні пасля выбуху 14 красавіка ў Іганава.

Паводле звестак адсочвання палётаў, апублікаваных Bellingcat, грамадзянін Расеі па імені Уладзімір Майсееў, які выкарыстоўваў псеўданім «Уладзімір Папоў», падарожнічаў у Балгарыю прынамсі чатыры разы ў 2014 годзе: у сакавіку, верасні, лістападзе і снежні і адзін раз у 2015 годзе. Усе гэтыя паездкі адбываліся ў тыя дні, калі адбываліся выбухі.

Чыноўнікі ў Чарнагорыі заяўляюць, што яны таксама шукаюць Маісеева ў сувязі з магчымым дачыненнем да няўдалай спробы перавароту ў 2016 годзе.

Між тым, пачынаючы з лютага і красавіка 2015 года, не менш за шэсць іншых расейцаў ездзілі ў Балгарыю і выязджалі з яе. Сярод іх былі Дзяніс Сяргееў і Сяргей Лютанкоў, што падарожнічалі ў Сафію пад псеўданімамі Сяргей Фядотаў і Сяргей Паўлаў адпаведна.

Яшчэ адзін верагодны агент па імені Ягор Гардзіенка, які выкарыстоўваў псеўданім Георгій Гаршкоў, прыбыў у чарнаморскі горад Бургас прыкладна на трэцім тыдні красавіка разам з Сяргеевым.

Прысутнасць абодвух у Балгарыі супала з двума раптоўнымі і загадкавымі хваробамі, якія ледзь не забілі Гебрава. Яго, верагодна, атруцілі «Навічком», як і Сяргея Скрыпаля ў Солсберы ў 2018 годзе.

У лютым 2019 года балгарскія следчыя аднавілі расследаванне атручвання Гебрава. Тагачасны генеральны пракурор Сацір Цацароў заявіў, што меркаваны расейскі выведнік, звязаны з атручваннем Скрыпаля, знаходзіўся ў Балгарыі ў красавіку 2015 года.