Кібер-партызаны апублікавалі перапіску суддзі-лукашысткі

Узровень хамства і беззаконня ўражвае.

Кібер-партызаны ўзламалі Viber суддзі Першамайскага раёна Менска Святланы Чараповіч і апублікавалі змест яе мэсэнджара.

Так, у 2018 годзе проста падчас пасяджэння суда Святлана перапісвалася з сакратаркай Настассяй. Дзяўчаты лаюць усіх удзельнікаў працэсу, пры гэтым адна да адной звяртаюцца на «вы».

Ёсць таксама выказванні, якія заахвочваюць незаконныя расправы над падсуднымі. «Яшчэ канвой папрасіць вока яму потым падбіць», - прапаноўвае суддзя-лукашыстка.

У 2020-2021 гадах суддзя-лукашыстка выносіла прысуды сумленным журналістам і мірным пратэстоўцам, а таксама затрыманым на акцыі салідарнасці і Дні Волі.