21 красавiка 2021, Серада, 7:26
Сім сім, Хартыя 97!
Рубрыкі

Лукашэнка агучыў свае прэтэнзіі да Польшчы

75
Лукашэнка агучыў свае прэтэнзіі да Польшчы
ІЛЮСТРАЦЫЙНАЕ ФОТА

Вясновае абвастрэнне.

Таракан агучыў свае прэтэнзіі да Польшчы.

«Па праўдзе кажучы, нашы палітычныя кантакты з гэтай краінай ніколі не былі ідэальнымі. Але мы праз свой характар, менталітэту доўга мірыліся з асобнымі выпадамі і абвінавачваннямі на свой адрас, стараліся знайсці кампраміс, праяўлялі гнуткасць, разуменне. Мы зыходзілі з таго, што суседзяў не выбіраюць. І яны сапраўды ўсе важныя для нас», - сказаў Лукашэнка.

«Але, выявілася, гэтыя канструктыўныя падыходы ў Варшаве ўспрымаюць як слабасць. Дэклараваная яшчэ ў чэрвені мінулага года гатоўнасць польскага боку ісці нам насустрач у цэлым шэрагу кірункаў змянілася абвінавачваннямі ў фальсіфікацыі выбараў, падтрымкай нашых цяперашніх збеглых і іх кампаній, наданнем прытулку беглым здраднікам і экстрэмістам, экстрэмісцкім інтэрнэт-рэсурсам. А потым справа дайшла да санкцый», - адзначыў Лукашэнка.

«Многія падымаюць польскае пытанне: «Палякі, уціск...». Яшчэ раз хачу паўтарыць кіраўніцтву Польшчы, - сказаў Лукашэнка, - так, у нас нямала пражывае палякаў. Але гэта нашы палякі. Іх радзіма - Беларусь. Яны тут жылі, іх дзеці жывуць і будуць жыць. Хто хоча выехаць, - мы нікога не трымалі і трымаць не збіраемся. Але тыя, хто жыве ў нас, грамадзяне Беларусі, гэта - нашы палякі».

Са слоў Лукашэнкі, законную рэакцыю праваахоўных органаў на супрацьпраўную дзейнасць некаторых грамадзян Беларусі, якія называюць сябе палякамі, у Варшаве ўважаюць за прыгнёт польскай нацыянальнай меншасці.

«Але чамусьці ў нас некаторыя асобы ўспамінаюць пра свае нацыянальныя карані толькі тады, калі парушаюць закон, а не калі трэба зрабіць нешта карыснае для дзяржавы, грамадзянамі якой яны з'яўляюцца. Усё адно, хто яны - палякі, беларусы, расейцы, габрэі ці ўкраінцы», - заявіў Лукашэнка.

Акрамя таго, Лукашэнка паабяцаў грунтоўна вывучыць тэму «польскай акупацыі беларускіх зямель» на навуковым узроўні.

«У нас няма неўрэгуляваных тэрытарыяльных і маёмасных прэтэнзій адзін да аднаго. Мы ніколі не ўспаміналі аб акупацыі Польшчай значнай часткі беларускай тэрыторыі ў 20-30-я гады мінулага стагоддзя. Але, мабыць, прыйшоў час вярнуцца да гэтай тэмы і дэталёва даследаваць яе з прыцягненнем гісторыкаў і палітолагаў, што ўжо, дарэчы, мы пачалі рабіць», - сказаў Таракан.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».