Politico: ЗША прызначаць спецпрадстаўніка для знішчэння «Паўночнай плыні-2»
4- 7.04.2021, 21:17
- 6,628
Чыноўнік будзе адказваць за перамовы аб спыненні будаўніцтва газаправода.
Адміністрацыя прэзідэнта ЗША Джо Байдэна захацела прызначыць спецпрадстаўніка знішчэння газаправода «Паўночная плынь-2». Пра гэта паведамляе выданне Politico са спасылкай на крыніцы.
Паведамляецца, што чыноўнік будзе адказваць за перамовы аб спыненні будаўніцтва газаправода. Пасаду - пакуль неафіцыйна - прапанавалі экс-спецпасланніку ЗША ў міжнародных энэргетычных пытаннях Амосу Хахштэйну. Хахштэйн пакуль прапанову не прыняў.
1 красавіка аператар будаўніцтва - кампанія Nord Stream 2 AG - паведаміла, што газаправод гатовы на 95 адсоткаў. У расейскім МЗС выказалі ўпэўненасць, што рэалізацыя праекта газаправода «Паўночная плынь-2» будзе завершаная да канца 2021 года
Газаправод «Паўночная плынь-2» з Расеі ў Нямеччыну па дне Балтыйскага мора павінны былі здаць яшчэ ў канцы 2019 года. Аднак яго завяршэнню перашкодзіла, між іншым, пагроза санкцый з боку ЗША, праз якую праект пачалі пакідаць еўрапейскія кампаніі. Акрамя ЗША, супраць праекту выступаюць Літва, Латвія, Польшча і Украіна.