У Польшчы ўстаноўлены антырэкорд паводле колькасці смерцяў ад COVID-19

За дзень памерлі амаль 1 000 чалавек.

Дзённы прырост колькасці памерлых пасля заражэння каранавірусам новага тыпу склаў у Польшчы 954 чалавекі. Пра гэта сведчаць распаўсюджаныя ў чацвер звесткі Міністэрства аховы здароўя рэспублікі. Як стала вядома Charter97.org са звестак польскага Міністэрства аховы здароўя, за дзень зафіксавана 27 887 новых выпадкаў заражэння COVID-19.

Адзначаецца, што 241 смерць звязаная непасрэдна з COVID-19, яшчэ 713 - са спадарожнымі захворваннямі. Апошні антырэкорд у лятальнасці быў устаноўлены ў Польшчы 25 лістапада, калі Міністэрства аховы здароўя Польшчы інфармавала аб 674 смерцях.

Міністэрства аховы здароўя сцвярджае, што рэкордная колькасць памерлых, гэта вынік запозненага паступлення інфармацыі ад медустаноў, справакаванага святочным перыядам.