Як у Горадні выцягвалі з вады Volkswagen, што «ўцёк» у Нёман

Відэафакт.

З'явілася відэа, як у Горадні выцягвалі з вады Volkswagen, які «ўцёк» ў Нёман. Здарэнне адбылося раніцай 8 красавіка. Аўтамабіль апынуўся на глыбіні трох метраў за 300 метраў ад месца, дзе ён скаціўся ў раку.

Вадалазы прывязалі вяроўку да машыны і з дапамогай лябёдкі падцягнулі яе бліжэй да берага. Потым ратавальнікі выкарыстоўвалі спецыяльныя надзіманыя падушкі, якія замацавалі за колы, і адбуксіравалі аўтамабіль на бераг.