15 траўня 2021, Субота, 7:42
Сім сім, Хартыя 97!
Рубрыкі

Тактыка супраціву

Тактыка супраціву
Фота: AFP

Самаарганізацыя - залог поспеху.

Рэжым трэба падточваць бесперапынна і настойліва, не забываючы надаваць «падпольны» супраціў па дробязях. А там спантанна і дзень Х прыйдзе, калі мноства фактараў адначасова складуцца - санкцыі, ціск звонку, збядненне, звальненні, незадаволенасць, піша тэлеграм-канал «Баста!».

А пакуль упарта надаваць сталы супраціў хаця б у дробязях:

• Распаўсюджваем самвыдат для суседзяў, раздрукоўваем газеты і кідаем у скрыні суседзяў.

• Сказаць «не» паборам на працы ва ўсякія мутныя лукашэнкаўскія фонды міру. Адмаўляцца падпісваць усякія незаконныя спісы і дакументы.

• Не здаваць грошы ў садках і школах, а паставіць пытанне: «Чаму ў бюджэце няма грошай на рамонт школы або садка, а на паказуху ёсць?». Арганізоўваць іншых бацькоў на гэта, разам лягчэй.

• Засыпаць скаргамі гарвыканкам, дэпутатаў і ЖКГ, каб не трубы перафарбоўвалі ў чырвона-зялёны колер, а рамантавалі ўбогія вуліцы і двары. Каб не помнікі Леніну за мільён рублёў рамантавалі, а дарогі і двары, якія асабліва ў малых гарадах у жудасным стане. І ўвесь час падбіваць на гэта суседзяў, знаёмых - лепш калектыўныя скаргі!

• Запісвайце на тэлефон відэа і размовы з прадстаўнікамі ўлады і распаўсюджвайце іх у сацсетках і ў інтэрнэце, называючы іх імёны і назвы ўстаноў!

Больш за ўсё ўлада баіцца масавых арганізацый, таму не сядзім на канапе, а арганізоўваемся ў групы для ціску на ўладу.

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.