Расейцы праядаюць ашчадак з хуткасцю сем мільярдаў рублёў на дзень

Інфляцыя б'е рэкорды за пяць гадоў па шырокім спажывецкім кошыку.

Моцнае паскарэнне інфляцыі і падзенне ўзроўню жыцця вярнулі расейскіх спажыўцоў у рэжым праядання ашчадку, паведамляе finanz.ru.

Па выніках першага квартала расейцы атрымалі 14,3 трыльёна рублёў даходаў, а выдаткавалі на куплю тавараў і паслуг 14,904 трыльёна, вынікае са звестак Расстата.

Розніца была кампенсаваная з ашчадку, якія за тры месяцы скараціўся на 604,3 млрд рублёў.

Сярэдняя хуткасць, з якой раставаў ашчадак на рахунках і ў гатоўцы, дасягнула 6,7 рублёў на дзень, або 280 млн рублёў на гадзіну.

Людзі праядаюць запасы па меры таго, як іх рэальныя даходы працягваюць падаць (-3,6% у першым квартале), а інфляцыя б'е рэкорды за 5 гадоў па шырокім спажывецкім кошыку і за 6 гадоў - на рынку харчавання і лекаў.

Чакаючы далейшага паскарэння росту коштаў, «людзі, з адчуванняў, спажываюць «як у апошні раз», кажа дырэктар у інвестыцыях ІЧ «Локо-Інвест» Зміцер Палявы.

Агульны аб'ём спажывецкіх выдаткаў застаецца ніжэйшы за дакрызісны прыкладна на 2%, але ў параўнанні з чацвёртым кварталам спад запаволіўся амаль утрая.

Акрамя ашчадку у ход ідуць банкаўскія крэдыты, выдача якіх «паскараецца і неўзабаве дасягне тэмпаў канца мінулага года», адзначае аналітык Райффайзенбанка Станіслаў Мурашоў.

Са звестак ЦБ, за студзень-сакавік фізасобы ўзялі ў банках 1,217 трлн рублёў новых пазык, павялічваючы завінавачанасць з сярэдняй хуткасцю 13,5 млрд рублёў на дзень, або 563 мільёнаў рублёў на гадзіну.

Агульная сума запазычанасці фізічных асоб перасягнула 21 трлн рублёў, а даўгавая нагрузка дасягнула 18,7% ад даходаў, што з'яўляецца рэкордам за ўсю сучасную гісторыю краіны.

Па выніках 2020 года рэальныя даходы расейцаў адкаціліся на мінімум за 10 гадоў, заробкі ў даляравым вылічэнні ўпалі на 11-гадовае дно.

Пачатак 2021 года прынёс пагаршэнне паводле ўсіх артыкулаў прыбыткаў, адзначае Мурашоў: «Зменшыліся як заробкі і сацыяльныя трансферты, так і іншыя даходы насельніцтва. Прычым, мяркуючы з таго, што рэальныя заробкі работнікаў арганізацый у студзені-лютым раслі, гэта азначае, што пагаршэнне назіралася ў «шэрым» сегменце рынку працы».

Антырэкардсмэнам стаў сегмент малога і сярэдняга бізнэсу, дзе заробкі ўпалі на 17% у гадавым вылічэнні (пз ацэнкі бізнэс-амбудсмэна Барыса Цітова).

Мінэканамразвіцця Расеі прагназуе рост рэальных даходаў расейцаў ў 2021 годзе на 3%. У канцы красавіка кіраўнік ведамства Максім Рашэтнікаў анансаваў змену методыкі падліку гэтага паказчыка Расстатам.

Зрабіць разлікі «больш поўнымі», са слоў Рашэтнікава, можна «за кошт удакладнення звестак, пашырэння складу апрацаваных крыніц інфармацыі».