У ЕЗ першая краіна вакцынавала больш за 50% насельніцтва

У гэтай краіне больш за палову насельніцтва, што старэйшае за 18 гадоў, атрымала хаця б адну дозу вакцыны.

Вугоршчына стала першай дзяржавай у Еўразвязе, дзе больш за палову насельніцтва (50,5%), што старэйшае за 18 гадоў, атрымала хаця б адну дозу вакцыны ад новай каранавіруснай інфекцыі. Пра гэта сведчаць звесткі на сайце Еўрапейскага цэнтра прафілактыкі і кантролю захворванняў у сераду, 6 траўня.

Таксама паказана, што абедзве дозы аднаго з зарэгістраваных у краіне прэпаратаў атрымалі 25,8% дарослага насельніцтва Вугоршчыны.

На другім месцы па тэмпах вакцынацыі ў ЕЗ размясцілася Мальта (47,1% і 25% адпаведна). Тройку лідараў па колькасці паўналетніх грамадзян, якія зрабілі хаця б адну ін'екцыю, замкнула Фінляндыя (38,4%), а па цалкам прышчэпленым - Данія (14,4%).

Сярод адстаючых - Балгарыя (10,7% грамадзян з адной прышчэпкай, 3,8% з дзвюма) і Латвія (13,9% і 2,5%).

Сярод еўрапейскіх краін, якія не з'яўляюцца сябрамі ЕЗ, высокі вынік паказала Ісландыя, дзе 39% насельніцтва атрымала хаця б адзін кампанент вакцыны.

Усяго першую дозу вакцыны атрымала 30,4% насельніцтва краін Еўразвязу і якія не ўваходзяць у яго Нарвегіі, Ісландыі і Ліхтэнштэйна. Абедзве ін'екцыі зрабілі 11,3%. Усяго ж у ЕЗ зрабілі 154,1 млн прышчэпак ад каранавіруса.