Выбух ля школы для дзяўчатак у Кабуле: загінулі не менш за 25 чалавек
- 8.05.2021, 21:02
- 3,224
Выбух прагрымеў, калі навучэнкі пакідалі будынак школы.
Сама менш 25 чалавек загінулі ў суботу пры выбуху побач з будынкам школы ў афганскай сталіцы. Дзясяткі чалавек параненыя, паведамляюць мясцовыя ўлады. Выбух прагрымеў, калі навучэнкі пакідалі будынак школы, паведамляюць карэспандэнты Бі-бі-сі. На фотаздымках, змешчаных у сацыяльных сетках, відаць школьныя партфелі, якія ляжаць на вуліцы.
Большасць пацярпелых - дзяўчаткі, паведаміла прадстаўніца міністэрства адукацыі.
Дашт-э-Барч – абшар на захадзе Кабула, збольшага населены шыітамі-хазарэйцамі. Раней гэты абшар часта станавіўся аб'ектам нападаў суніцкіх ісламісцкіх ваеўнікоў.
Блізу год таму напад быў учынены на мясцовую лякарню, у выніку загінулі 24 чалавекі, сярод якіх - жанчыны, дзеці ды немаўляты.
На каго канкрэтна быў нацэлены суботні напад, пакуль дакладна не ясна.
Паводле паведамленняў з Кабула, горад у гэты час быў людны: людзі адправіліся на закупы, яны рыхтаваліся адзначаць на наступным тыдні мусульманскі свята разгавення Ід аль-Фітр.
Місія ЕЗ у Кабуле апублікавала ў "Твітэры" заяву, у якой гаворыцца, што напад на вучняў школы для дзяўчатак - гэта напад на будучыню Афганістана.