«Уночы з 8 на 9 траўня Лукашэнка падпісаў акт аб капітуляцыі»

Аграфюрэра чакаюць на сметніку гісторыі.

9 траўня 2021 года. Гэты дзень мы запомнім надоўга. Пад покрывам ночы была падпісаная тая самая «гістарычная пастанова». Дэкрэт, які прадугледжвае перадачу паўнамоцтваў Савету бяспекі, калі з сіняпалым «нешта здарыцца», піша тэлеграм-канал «Нік і Майк».

Дакумент цалкам супярэчыць нават дзедавай канстытуцыі - нелегітымны ўзурпатар падпісаў паперку аб неканстытуцыйнай перадачы паўнамоцтваў неканстытуцыйным органу. Бінга - тры ў адным. Калі мінус на мінус можа даць плюс, то тут мінусаў 3. Таму атрымаўся тоўсты крыж.

Цікава, што параноік дарэмна спрабуе накарміцца сімвалізмам дзён, якія яму здаюцца важнымі. Вось і паперку ў Дзень Перамогі падпісаў з марным спадзяваннем, што энэргія продкаў падоўжыць яго існаванне і кіраванне. Атрымалася жудасна.

Як мы цудоўна ведаем, яго продкі былі 76 гадоў таму па іншы бок барыкад. І ў гэты дзень, дакладней у гэтую ноч, яны падпісвалі акт аб безагаворачнай капітуляцыі, таму што з іх фюрэрам да таго моманту «нешта здарылася». Увогуле, сіняпалага зноў падвяло веданне гісторыі. Замест гістарычнага дакумента сілы атрымаўся істэрычны акт аб капітуляцыі.

І яшчэ адзін важны момант - у Маскву на парад сіняпалы спалохаўся ехаць. Зусім нікуды не варта. Паспрабуе адседзецца «ў дамку» пасля слоў пра тое, што ў яго ў Беларусі няма сяброў. Але там таксама любяць сімвалізм, так што дарма... А, зрэшты, годзе фашысту на Краснай плошчы стаяць - яго чакаюць у Карлсруэ і на сметніку гісторыі.

У ноч з 8 на 9 траўня калгасны аграфюрэр падпісаў, сам таго не ведаючы, акт аб капітуляцыі.

А мы сёння выходзім святкаваць. Шампанскае піць яшчэ ранавата. Але гэты дзень ужо блізкі. Мы адсвяткуем дзень Перамогі «па-свойму». Да сустрэчы на вуліцах нашых гарадоў і салюце. Не забудзьцеся ўсмешкі і «той самы погляд».

Перамаглі фашызм, пераможам і лукашызм!

З днём Вялікай Перамогі!