Ірына Халіп: Нешта перадалося ад тых беларускіх партызанаў сённяшнім

Магчыма, гэта абумоўлена генамі.

«Акупацыя заўсёды мае нейкія агульныя рысы. Незалежна ад таго, хто акупант», – адзначыла ў эфіры «Радыё Рацыя» журналістка Ірына Халіп.

– Яны чужынцы і паводзяць сябе як чужынцы на зямлі, на якой яны знаходзяцца. І таму, вядома, нешта агульнае ёсць і сярод гэтых акупацый. Гэтак сама, як і паміж партызанамі мінулага – і партызанамі сённяшнімі.

Мне здаецца, што гэта ўжо такая сувязь пакаленняў, якая не ведаю чым абумоўленая. Магчыма, генамі, магчыма, нейкай гістарычнай памяццю. Але вось нешта перадалося ад тых беларускіх партызанаў сённяшнім, тым, якія ладзяць акцыі пратэсту ў любых умовах, ва ўсіх геаграфічных пунктах нашай краіны.