У Галівудзе з'явіўся мурал на аснове прац беларускіх пратэстных мастакоў

Фотафакт.

Учора ў Галівудзе з'явіўся мурал на аснове прац беларускіх пратэстных мастакоў - Юліі Арабей, Волі Кузьміч і ілюстратара Burmalin, паведамляе tut.by.

«Гэтым муралам мы, беларусы Лос-Анджэлеса, аддаём даніну павагі і любові нашым землякам, хто змагаўся на барыкадах 9-12 жніўня, хто выходзіў на шматтысячныя нядзельныя маршы, дзядулям і бабулям, якія кранальна махалі БЧБ-сцягамі з вокнаў, і, вядома ж , беларускім жанчынам, чыя сіла і бясстрашнасць натхняюць увесь свет», - заявіла беларуская дыяспара ў Лос-Анджэлесе.