Арастовіч пра інцыдэнт з брытанскім эсмінцам: Расейцы выдалі артылерыйскія вучэнні за абстрэл

Прадстаўнік Украіны ў перамоўнай групе наконт Данбасу мяркуе, што гэта інфармацыйна-псіхалагічная аперацыя.

«Папераджальныя стрэлы РФ» па брытанскім эсмінцы ў Чорным моры былі інфармацыйна-псіхалагічнай аперацыяй.

Як паведамляе «Украіна 24», пра гэта заявіў дарадца ўкраінскай дэлегацыі ў Трохбаковай кантактнай групе Аляксей Арастовіч.

«Паводле інфармацыі, якая ёсць на сёння, з паведамленняў брытанскага боку, ніякага абстрэлу не было. Расейцы выдалі артылерыйскія вучэнні, якія ў іх там праводзіліся на вызначанай адлегласці ад маршруту брытанскага эсмінца, як абстрэл. Для мяне гэта цяпер выглядае як інфармацыйна-псіхалагічная аперацыя стратэгічнага маштабу, якая з расейскага боку была рэалізаваная на ўзроўні афіцыйных паведамленняў ТАСС і заяваў Міністэрства абароны Расейскай Федэрацыі, якая мае за мэту падрыў вучэнняў Sea Breeze 2021», - адзначыў Арастовіч.

Раней паведамлялася, што расейскія вайскоўцы заяўляюць, што адкрылі папераджальную стральбу па брытанскім эсмінцы ў Чорным моры ля акупаванага Крыма.

Пазней Мінабароны Вялікай Брытаніі паведаміла, што папераджальных стрэлаў па эсмінцы Defender не выраблялася.

Міністр абароны Вялікай Брытаніі Уолес распавёў, што караблі РФ папярэдзілі эсмінец Defender, што ладзяць вучэнні на Чорным моры.