Менскі Сучасны мастацкі тэатр аднавіў працу ў Кіеве
- 25.06.2021, 15:45
- 3,874
У 2020-м годзе артысты тэатра выступілі за палітычныя перамены ў краіне.
Сучасны мастацкі тэатр пасля выгнання з Беларусі аднавіў працу ў Кіеве, піша тэлеграм-канал by_culture.
20 траўня ў Кіеве адбылася прэм'ера спектакля паводле рамана Сашы Філіпенкі «Былы сын». Кіраўнік тэатра і рэжысёр Уладзімір Ушакоў анансаваў некалькі новых спектакляў да канца года, а таксама плануе гастролі тэатра.
Артысты тэатра ў 2020-м выступілі за палітычныя перамены ў краіне і супраць гвалту з боку сілавікоў. Пасля гэтага тэатру адмовілі ў арэндзе памяшкання, а потым сталі забараняць паказы. Адзін з вядучых артыстаў тэатра Дзяніс Дудзінскі пад ціскам быў вымушаны з'ехаць з Беларусі.