Зяленскі запрасіў украінскіх журналістаў на пікнік з шашлыкамі
76- 6.06.2021, 12:23
- 11,384
На фота, выкладзеным прэс-службай, прэзідэнт Украіны нанізвае мяса на шампуры.
Прэзідэнт Украіны Уладзімір Зяленскі 5 чэрвеня запрасіў журналістаў напярэдадні іх прафесійнага свята на пікнік з шашлыкамі, піша «Гордон».
«На гэты раз - шашлык, прыгатаваны ўласнаручна. Выдатнае надвор'е і, як заўсёды, сяброўская атмасфера. Размова без табу, вострыя пытанні і мае сумленныя адказы», - адзначыў прэзідэнт.
На сустрэчы таксама прысутнічаў кіраўнік Офіса прэзідэнта Украіны Андрэй Ярмак. Зяленскі і Ярмак на выкладзеных у сацсетках фота нанізваюць мяса на шампуры.
6 чэрвеня прэзідэнт апублікаваў у Instagram фатаграфіі з пікніка і павіншаваў журналістаў.
«Заўсёды адкрыты для пытанняў журналістаў. Перакананы, што сумленны дыялог - гэта галоўная прыкмета дэмакратычнай дзяржавы. Украінскія журналісты - цікаўныя, таленавітыя, уважлівыя і прынцыповыя. Гатовыя ісці на рызыку дзеля праўды», - напісаў кіраўнік дзяржавы.
Зяленскі таксама апублікаваў фатаграфіі і віншаванні ў Twitter. Са слоў прэзідэнта, украінскія журналісты хочуць пераменаў.
«І галоўная мара, якая аб'ядноўвае і журналістаў, і прэзідэнта - зрабіць Украіну лепшай. Няхай гэтая мара здзейсніцца!», - заявіў ён.
На пікнік з прэзідэнтам былі запрошаны галоўная рэдактарка «Украінскай праўды» Сеўгіль Мусаева, галоўная рэдактарка выдання «Гордон» Алеся Бацман, журналіст і тэлевядоўца Савік Шустэр і іншыя.
Гострі, нетерплячі, дотепні, оперативні, професійні, з посиленим відчуттям справедливості – такі українські журналісти. Та передусім це люди, які мріють і прагнуть змін. І головна мрія, яка об'єднує і журналістів, і Президента, – зробити Україну кращою. Нехай вона здійсниться! pic.twitter.com/9zLR2TpxHL
— Володимир Зеленський (@ZelenskyyUa) June 6, 2021