У ПАР пратэстоўцы спынілі працу найбуйнейшага НПЗ
3- 14.07.2021, 11:35
- 2,340
На яго прыпадае 35% усёй нафтавай перапрацоўкі ў краіне.
Найбуйнейшы ў Паўднёва-Афрыканскай Рэспублікі нафтаперапрацоўчы завод (НПЗ), размешчаны ў правінцыі Квазулу-Наталь, прыпыніў сваю працу праз пратэсты, якія доўжацца з 8 ліпеня. Пра гэта паведаміла ў сераду агенцтва Reuters са спасылкай на бізнэс колы.
Завод з'яўляецца супольным прадпрыемствам энэргетычных груп BP і Shell. На яго прыпадае 35% усёй нафтавай перапрацоўкі ў ПАР.
Перабоі з пастаўкамі паліва ўжо пачынаюць адчувацца ў правінцыі Квазулу-Наталь, якая з'яўляецца, разам са сталічнай правінцыяй Гаўтэнг, эпіцэнтрам цяперашніх пратэстаў.
Так, у адміністрацыйным цэнтры Квазулу-Наталь горадзе Пітэрмарыцбург на АЗС становяцца доўгія чэргі, пачата рацыянаванне бензіну і дызельнага паліва.