Здароўе «пірата з сінімі пальцамі» руйнуецца, як луканоміка

Таму забіраем свае грошы і ідзем у адпачынак.

Гародня ўчора засталася без «свята». Так рыхтаваліся адкрыць мост з падсветкай патрыятычных колераў, а тут пірат з сінімі пальцамі на просьбу грамадскасці не прыляцеў, піша тэлеграм-канал «Нік і Майк».

Адназначна можам сцвярджаць, што справа не толькі ў тым, што адкрыццё асобна ўзятага прыкладна-паказальнага моста на фоне затопленай Гародні, можа выклікаць хвалю непаразумення. Хоць карцінка атрымалася б шыкоўная. Уявіце сабе гэты кадр - відэа ў чырвона-зялёных колерах і з музыкай. Інфернальнае балота.

Але пра карцінку «забыліся» ў Александрыі, калі «свята» не спынілася на фоне палёту надзіманых канструкцый і дзіцячых траўмаў. У выніку прыцягнулі да адказнасці не тых, хто зладзіў палёты на «дыване-самалёце», а таго, хто гэта зняў на відэа.

У хунты даўно маральны компас адмовіў. Усё залежыць ад прымхаў пірата з сінімі пальцамі. А самі капрызы, як выявілася, ад стану здароўя, якое нягледзячы на намаганні медыцыны, ужо далёка не тое.

Хацелі правесці паралель са станам інфраструктуры ў краіне, дзе таксама ўсё развальваецца: ад ліўневай каналізацыі да буйных прадпрыемстваў і мастоў. Але тут, акрамя вонкавай карцінкі, усё дрэнна - супадзенняў няма. У здароўе пірата з сінімі пальцамі рэсурсы ўкладваюцца, а на інфраструктуру даўно наплявалі.

Таму пакуль інфраструктура і эканоміка, як і пірат з сінімі пальцамі, усё яшчэ падаюць прыкметы жыцця - забіраем свае грошы і ідзем у адпачынак. Хай «красаўцы» пастаяць ля станка.