У Нямеччыне абяцаюць новую сістэму экстранай абвесткі пра стыхійныя бедствы
2- 20.07.2021, 17:36
- 1,640
Краіна вельмі сур'ёзна пацярпела ад паводкі.
У Нямеччыне хочуць на будучыню распрацаваць новую сістэму абвесткі аб стыхійных бедствах, каб людзі ў зонах рызыкі атрымлівалі папярэджанні па SMS.
Як паведамляе «Еўрапейская праўда» са спасылкай на Spiegel, пра гэта ў каментары СМІ распавёў кіраўнік Федэральнага офіса грамадзянскай абароны.
З ягоных слоў, тэхнічную ацэнку патэнцыйнай сістэмы скончаць да восені. Прынцып прадугледжвае, каб у выпадку рызыкі павышэння ўзроўню вады паведамленні прыходзілі на ўсе тэлефоны, якія знаходзяцца ў зоне дасяжнасці найбліжэйшай вежы сувязі.
Пэўнымі недахопамі такой сістэмы называюць абарону звестак і кошт - праект на пачатковым этапе можа каштаваць больш за 20 млн еўраў.
Між тым міністр навакольнага асяроддзя Баварыі паабяцаў вялікія інвестыцыі ў сістэмы абароны ад паводак, улічваючы тое, што са зменай клімату экстрэмальныя пагодныя з'явы будуць адбывацца ўсё часцей.
Нагадаем, пасля моцных ліўняў на мінулым тыдні федэральныя землі Рэйнланд-Пфальц і Паўночны Рэйн-Вестфалія пацярпелі ад паводкі, якую называюць самай маштабнай з часоў Другой сусветнай вайны.