25 верасня 2021, Субота, 3:50
Сім сім, Хартыя 97!
Рубрыкі

Amnesty International зрабіла жорсткую заяву пра апошнія падзеі ў Беларусі

4
Amnesty International зрабіла жорсткую заяву пра апошнія падзеі ў Беларусі

Арганізацыя заклікала да катэгарычнага міжнароднага адказу на дзеянні ўзурпатара.

Беларускія ўлады павінны неадкладна перагледзець пастанову пра ліквідацыю НДА, заявіла дырэктарка Amnesty International датычна Усходняй Еўропы і Цэнтральнай Азіі Мары Стразерс, каментуючы паведамленні пра пастанову ўладаў краіны ліквідаваць больш за 40 арганізацый грамадзянскай супольнасці.

«Беларускія ўлады праводзяць беспрэцэдэнтныя і ўсё больш жорсткія атакі на грамадзянскую супольнасць, выкарыстоўваючы ўсе інструменты для пераследу за мірнае іншадумства, – заявіла Стразерс. – Пасля масавых арыштаў праваабаронцаў і актывістаў у пачатку мінулага тыдня ўлады цяпер ліквідуюць дзясяткі крытычна важных для грамадзянскай супольнасці арганізацый, цалкам ігнаруючы свае абавязальніцтвы ў галіне правоў чалавека ў адпаведнасці з міжнародным правам».

Яна мяркуе, што ўлады Беларусі «павінны неадкладна перагледзець пастанову пра ліквідацыю НКА, пакласці канец эскалацыі рэпрэсій і дазволіць арганізацыям грамадзянскай супольнасці свабодна займацца сваёй дзейнасцю». «Улады павінны паважаць, абараняць, прасоўваць і рэалізоўваць права на свабоду выказвання меркаванняў, асацыяцыі і мірных сходаў», – дадала яна.

«Астатні свет не павінен заставацца пасіўным назіральнікам гэтых задоўжаных жорсткіх рэпрэсій у Беларусі, – заявіла рэгіянальная дырэктарка арганізацыі. – Мы заклікаем да катэгарычнага міжнароднага адказу з тым, каб беларускія ўлады неадкладна спынілі свае рэпрэсіі ў дачыненні да грамадзянскай супольнасці і вызвалілі ўсіх тых праваабаронцаў і актывістаў, якія былі адвольна затрыманыя выключна за сваю законную дзейнасць. Урад Беларусі павінен выканаць свае абавязальніцтвы ў павазе, абароне, прасоўванні і захаванні правоў чалавека, інакш ён павінен сутыкнуцца з наступствамі».

Больш за 40 няўрадавых арганізацый, у якіх 14 ліпеня прайшлі ператрусы, знаходзяцца ў працэсе ліквідацыі. Гэта вынікае з звестак Адзінага дзяржаўнага рэгістра юрыдычных асобаў і індывідуальных прадпрымальнікаў. У ліку такіх няўрадавых арганізацый – арганізацыі, якія займаюцца дабрачыннасцю, экалогіяй, дапамогай людзям з інваліднасцю, пытаннямі культуры.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».