Меркаванне: Трэба дзяўбці і ціснуць Таракана

Санкцыі паволі пачынаюць разганяцца, астатняе толькі за намі.

Перад намі, беларусамі, цяпер стаіць вялікая мэта - вызваленне роднай краіны. Праведзены велізарны, напэўна, самы вялікі за апошнія 27 гадоў шлях. Беларусы ўспомнілі, хто мы напраўду. Мы ўспомнілі нашы карані, мы ўспомнілі перамогі нашых продкаў-партызан, мы ўспомнілі, што мы - вольны народ, піша чытач тэлеграм-канала «Баста!»

Важна цяпер не спыняцца на паўдарозе, а дзяўбці і ціснуць Таракана.

Мы павінны выклікаць, а не чакаць натхнення, каб працягнуць нашу справу. Дзеянне заўсёды спараджае натхненне. Натхненне рэдка спараджае дзеянне. Кожны з нас супергерой і поспех нашай місіі залежыць толькі ад нас.

«Санкцыі - страйкі - пратэсты» - самы мірны і самы рэальны сцэнар нашай перамогі.

Санкцыі паволі пачынаюць разганяцца, астатняе толькі за намі. Рабочы, кінь ты ўжо свой інструмент дзеля будучыні нашай краіны. Людзі з кабінетаў, выключайце кампутары, спынім лагістыку, а прадпрымальнікі - дружна ўсёй кампаніяй у адпачынак. Не пройдзе і двух тыдняў, як мы ўбачым самалёт, што вылятае з Драздоў. І гэта ў лепшым для яго варыянце, а ў горшым сінепалага хопіць удар.

Мы не маем права забываць, як і навошта мы гэта пачалі. Мы не павінны забываць, колькі людзей цяпер у турмах, колькі былі збітыя і забітыя. Годзе карміць людаеда. Пара пачысціць Беларусь ад дэманскай хунты і разам, ужо вольным народам, будаваць сапраўдную краіну для жыцця.

Жыве Беларусь!