У Літве бунтуюць мігранты, якіх накіраваў у краіну рэжым Лукашэнкі
59- 26.07.2021, 20:42
- 52,638
Мігранты адмовіліся выконваць патрабаванні супрацоўнікаў Службы грамадскай бяспекі Літвы.
У Літве нелегальныя мігранты, якія прыбылі з Беларусі, зладзілі бунт у адной са школ, абсталяванай пад лагер для мігрантаў. Пра гэта паведамляе delfi.lt у панядзелак, 26 ліпеня.
Мігранты адмовіліся выконваць патрабаванні супрацоўнікаў Службы грамадскай бяспекі - патрабуюць выпусціць іх на волю.
Некаторыя ўцекачы з Ірака таксама адмовіліся прымаць ежу ад літоўскіх сацработнікаў - яны не дазволілі браць ежу нават дзецям і падлеткам.
«З сённяшняй раніцы і гаворкі няма пра перамовы. Яны выкінулі ежу. Самі іракцы есці адмаўляюцца, яны забаранілі і іншым браць ежу. Адзінае патрабаванне - выпусціць іх з тэрыторыі», - заявіў мясцовы чыноўнік Віргіліюс Пранскявічус.