Дыетолагі назвалі пяць найлепшых прадуктаў для мозгу

Як трымаць камандны цэнтр арганізма ў тонусе?

Чалавечаму мозгу, як аднаму з самых галоўных органаў, для найбольш прадуктыўнай працы патрабуецца правільнае харчаванне. Дыетолагі пералічылі пяць прадуктаў, якія дапамогуць трымаць «камандны цэнтр» арганізма ў тонусе, піша mk.ru.

Грэцкія арэхі

Нават сваім вонкавым выглядам гэты прадукт чымсьці нагадвае мозг, а пра яго карысныя ўласцівасці можна казаць вельмі доўга. У грэцкіх арэхах змяшчаюцца мелатанін, магній, вітамін Е і поліненасычаныя тлустыя кіслоты Амега-3. Іх ужыванне дапаможа палепшыць навыкі ўспрымання інфармацыі, прапампаваць памяць і нават у некаторых выпадках затармазіць развіццё хваробы Альцгеймера.

Шакалад

Тут варта падкрэсліць, што гаворка ідзе выключна пра горкі шакалад, бо яго салодкі малочны субрат змяшчае куды менш какавы. Такім чынам, чым вышэйшы адсотак змяшчэння какава-прадуктаў у шакаладзе, тым ён больш карысны. Зрабіць ужыванне пары маленькіх кавалачкаў шакаладу рэгулярнай звычкай падчас чаявання варта таму, што ён дапамагае працы крывяносных сасудаў, тым самым забяспечваючы прыток крыві да мозгу, што ў сваю чаргу адбіваецца на канцэнтрацыі і прадуктыўнасці падчас працы.

Рыба

Тлустая рыба багатая поліненасычанымі тлустымі кіслотамі Амега-3. Ужыванне ласося, селядца, скумбрыі, камбалы і кеты вельмі карыснае ў якасці прафілактыкі сэрцава-судзiнных захворванняў, а таксама для паляпшэння абмену рэчываў.

Яйкі

У яечным жаўтку прысутнічае халін, які дапамагае палепшыць памяць і нават лячыць атэрасклероз. Багатыя яйкі і на вітаміны групы В, якія таксама вельмі важныя для хуткай і якаснай працы мозгу. Дыетолагі рэкамендуюць з'ядаць як мінімум два яйкі на дзень для атрымання дзённай нормы халіну.

Зялёная гарбата

Выдатным варыянтам пасля цяжкага працоўнага дня будзе заварыць зялёны чай. Яго экстракт дапаможа мозгу працаваць эфектыўна падчас адпачынку пасля доўгай канцэнтрацыі, а магній і калій у складзе пітной вады прастымулююць разумовую дзейнасць.