Індыя ўхваліла першую ў свеце ДНК-вакцыну супраць COVID-19 для экстранага выкарыстання

Яна прывучае імунную сістэму арганізма змагацца з вірусам.

Рэгулятар Індыі ўхваліў трохдозавую вакцыну ZyCoV-D. Гэта першая ў свеце ДНК-вакцына супраць COVID-19 для экстранага выкарыстання, піша BBС.

ZyCov-D таксама з'яўляецца першай у Індыі безігольнай ін’екцыяй. Прышчэпкі робяць з дапамогай аднаразовага безігольнага ін’ектара, які выкарыстоўвае вузкі струмень вадкасці для пранікнення праз скуру.

Дарэчы, у свеце ўжо існуе шэраг ДНК-вакцын, ухваленых, напрыклад, для выкарыстання на жывёлах, у тым ліку вакцына ад хвароб коней і вакцына супраць рака скуры для сабак.

Аднак больш за 160 розных ДНК-вакцын праходзяць клінічныя выпрабаванні на людзях. Большасць з іх прызначаны для лячэння існых тыпаў раку, а траціна вакцын прызначана для лячэння ВІЧ.

«Мець ДНК-вакцыну, якая працуе супраць інфекцыі, - гэта вялікая справа. Калі яна забяспечыць добрую абарону, Індыя будзе ганарыцца гэтым», - сказала вірусолаг і першая індыйская жанчына, абраная чальцом Каралеўскага таварыства. Лонданскае таварыства, доктарка Гагандзіп Канг.

Як і іншыя вакцыны, ДНК-вакцына пасля ўвядзення прывучае імунную сістэму арганізма змагацца з вірусам.

ДНК-вакцыны маюць шэраг хібаў. Напрыклад, увесці плазміду ДНК у ядро чалавечых клетак вельмі цяжка, асабліва дарослым. Акрамя таго, ZyCoV-D патрабуе трох доз замест двух.

Згодна з прамежкавымі даследаваннямі, прыведзенымі вытворцам вакцыны Cadila Healthcare, ZyCoV-D прадухіліла сімптаматычнае захворвання ў 66% вакцынаваных.

Cadila Healthcare заявіла, што правяла найбольшае клінічнае выпрабаванне вакцыны ў Індыі: там узялі ўдзел 28 000 добраахвотнікаў у больш чым 50 цэнтрах. Кампанія заявіла, што гэта таксама першы выпадак, калі вакцына COVID-19 была пратэставаная на маладых людзях у Індыі – 1 000 чалавек, якія належаць да ўзроставай групы ад 12 да 18 гадоў.

Адзначаецца, што папярэднія ДНК-вакцыны добра дзейнічалі на жывёлах, але не на людзях. Удакладняецца, што, напрыклад, у ЗША існуе шэраг ДНК-вакцын, ухваленых для выкарыстання на жывёлах.

Кампанія плануе вырабляць да 120 млн доз штогод.