У Ізраілі затрымалі асабліва небяспечных злачынцаў, якія ўцяклі з турмы праз падкоп, зроблены іржавай лыжкай

Уцекачы апынуліся не занадта вёрткія.

У Ізраілі злавілі чатырох з шасці асабліва небяспечных злачынцаў, якія ў ноч на 6 верасня зладзілі ўцёкі з турмы «Гільбоа».

Пра гэта 11 верасня заявіў генеральны інспектар паліцыі генерал-лейтэнант Яакаў Шабтай, інфармуе «9 канал».

Сярод затрыманых - былы камандзір «Брыгады пакутнікаў Аль-Акса», ваенізаванага крыла палесцінскай партыі ФАТХ, Захарыя Збэйдзі, піша выданне «Вести». Яшчэ дваіх уцекачоў шукаюць.

«9 канал» адзначае, што ўцекачы апынуліся «не надта вынаходлівымі». Яны хаваліся ў зялёным рысе недалёка ад турмы і здаліся паліцыі «без бою».

Усіх уцекачоў ўважаюць за асабліва небяспечных злачынцаў, чацвёра з іх адбывалі пажыццёвае пакаранне. СМІ пісалі, што зняволеныя пракапалі пад падлогай ваннага пакоя тунэль, выкарыстоўваючы іржавую лыжку і праз гэты тунэль выбраліся вонкі. Паводле паведамлення паліцыі, як мінімум частка тунэлю была пустой прасторай пад камерай, якая з'яўляецца часткай падмурка.