Вывяржэнне вулкана на Канарах: хуткасць лавы - 700 метраў на гадзіну
4- 20.09.2021, 15:31
- 7,516
Уражальныя фота і відэа.
На гішпанскай выспе Пальма прадаўжаецца вывяржэнне вулкана, лава рухаецца з хуткасцю 700 метраў на гадзіну, руйнуючы ўсё на сваім шляху, паведамляе «Еўрапейская праўда» са спасылкай на El Pais.
Лававая плынь мае сярэднюю вышыню шэсць метраў і прадаўжае выкідваць ад 6000 да 9000 тон дыяксіду серы на дзень.
Асноўная шкоду ад лавы назіраецца ў муніцыпалітэце Эль-Паса, дзе ўжо эвакуяваныя 5000 чалавек.
Паведамляецца, што зруйнаваныя некалькі дамоў, лававая плынь змыла мясцовыя дарогі і знішчыла пасевы. На шчасце, ніхто з мясцовых жыхароў не пацярпеў.
«Лава даслоўна пажырае дамы, аб'екты інфраструктуры і ўраджай, якія знаходзяцца на яе шляху, да ўзбярэжжа даліны Арыдан», - сказаў кіраўнік муніцыпалітэта Марыяна Эрнандэс Сапата.
📺 TV en DIRECTO | Así avanza, a vista de pájaro, la colada del volcán de La Palma arrasando casas y cultivos https://t.co/PkKLBVTavq pic.twitter.com/c8hEpfiQ8n
— EL PAÍS (@el_pais) September 20, 2021
Нагадаем, вывяржэнне вулкана на востраве Пальма, які ўваходзіць у Канарскі архіпелаг у Атлантычным акіяне, пачалося ў нядзелю.
Раней на востраве быў абвешчаны стан павышанай гатоўнасці пасля таго, як за адзін тыдзень вакол вулкана было зарэгістравана больш за 22 000 падземных штуршкоў.