Стала вядома, навошта ў Беларусь прылятаў самалёт ВПС Швайцарыі
42- 22.09.2021, 19:06
- 89,380
Паветранае судна выконвала заданне швайцарскіх уладаў.
На жаль, грамадзянка Швайцарыі Наталля Хершэ не вызваленая і не паляцела з Беларусі на швайцарскім самалёце, які сёння прылятаў у Менск. Журналісты «Еўрарадыё» звярнуліся ў швайцарскае пасольства з запытам:
- Гэты самалёт быў задзейнічаны швайцарскімі ўладамі для правядзення аперацыі ў рэадмісіі асоб, якія былі абавязаныя пакінуць тэрыторыю Швайцарыі. З меркаванняў абароны звестак, швайцарскія ўлады не маюць права даваць якія-небудзь іншыя звесткі.
Нагадаем, паводле звестак сэрвісу Flightawarе 22 верасня ў Беларусь прыляцеў самалёт, які належыць, мяркуючы з нумароў, швайцарскім паветраным сілам.
Спачатку самалёт SUI561 з Жэневы прыляцеў у літоўскую Вільню, а пасля накіраваўся ў Нацыянальны аэрапорт Мінск. Пасля а 14:25 вылецеў з яго ў бок Літвы.