У Польшчы недалёка ад мяжы з Беларуссю памёр мігрант
7- 24.09.2021, 11:55
- 7,404
Медыкі не змаглі яго выратаваць.
У раёне беларуска-польскай мяжы знайшлі цела мігранта. Польскія памежнікі мяркуюць, што ён памёр ад сардэчнага прыступу. Пра гэта паведамляе прэс-служба Памежнай службы Польшчы.
«Мінулай ноччу на адлегласці 500 метраў ад мяжы была затрыманая група мігрантаў з Ірака. Адзін з мужчынаў, нягледзячы на рэанімацыю патрулём і брыгадай хуткай дапамогі, памёр (верагодна, ад сардэчнага прыступу)», – гаворыцца ў паведамленні.
Там таксама адзначылі, што ў аднаго з мігрантаў быў станоўчы вынік на COVID-19 – ён знаходзіцца ў лякарні.
Раней польская памежная служба знайшла целы трох чалавек на мяжы з Беларуссю. Паведамлялася, што адзін з загінулых нелегалаў мог прыняць таблетку, якую яму далі беларускія сілавікі.