Часопіс Lancet распусціў групу навукоўцаў, якія вывучалі паходжанне каранавіруса
3- 26.09.2021, 13:55
- 3,522
Рашэнне прынятае праз іх сувязі з лабараторыяй ва Ухань.
Камісія аўтарытэтнага медыцынскага часопіса Lancet распусціла групу навукоўцаў, якой было даручана даследаваць паходжанне каранавіруса. Пра гэта паведамляе газета The Wall Street Journal (пераклад - gazeta.ua).
Такое рашэнне было прынятае праз магчымы канфлікт інтарэсаў, бо «даследчыкі маглі быць звязаныя з кітайскімі лабараторыямі».
Між іншым, старшыня камісіі што да каранавірусу часопіса Lancet і прафесар Калумбійскага ўніверсітэта ЗША Джэфры Сакс быў занепакоены сувязямі навукоўцаў з камісіі з некамерцыйнай арганізацыяй EcoHealth Alliance, якая раней даследавала каранавірусы кажаноў сумесна з інстытутам вірусалогіі ў кітайскім горадзе Ухань.
«Я проста не хацеў працоўную групу, якая мае такое відавочнае дачыненне да аднаго з галоўных пунктаў гэтага даследавання паходжання, якім была EcoHealth Alliance», - сказаў Сакс.
Вядома, што прэзідэнт EcoHealth Alliance Пітэр Дасзак узначальваў працоўную групу. Ён з'яўляецца праціўнікам версіі лабараторнага паходжання каранавіруса.