Якім будзе надвор'е ў Беларусі 14 студзеня?

Прагноз сіноптыкаў.

Аранжавы ўзровень небяспекі аб'яўлены ў Беларусі 14 студзеня праз моцны вецер, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У пятніцу будзе пахмурна, удзень з праясненнямі. Уначы месцамі пройдуць невялікія ападкі, у асноўным дождж. Раніцай і ўдзень у многіх раёнах чакаюцца кароткачасовыя ападкі (дождж, мокры снег). Уначы месцамі магчымы слабы туман, на ўсходзе слабы галалёд. На асобных участках дарог чакаецца галалёдзіца. Вецер прагназуецца заходні, паўночна-заходні 7-12 м/с, з парывамі да 15-20 м/с, удзень месцамі да 21-24 м/с.

Тэмпература паветра ўначы складзе ад мінус 2 да плюс 4, удзень - 1-7 градусаў цяпла.