Украінскі алігарх, які супрацоўнічаў з Лукашэнкам, падчас вайны пастаўляў у РФ запчасткі для гелікаптэраў

Ён затрыманы СБУ.

Служба бяспекі Украіны апублікавала аўдыёзапісы тэлефонных размоў прэзідэнта АТ «Матор Січ», алігарха Вячаслава Багуслаева, які падазраецца ў незаконнай пастаўцы тавараў ваеннага прызначэння для расейскай штурмавой авіяцыі, якія пацвярджаюць яго супрацоўніцтва з ворагам.

Падчас поўнамаштабнай вайны ён працягваў пастаўляць рухавікі і іншыя запчасткі да расейскіх ударных верталётаў.

Адзначым, што Багуслаеў супрацоўнічаў і з Лукашэнкам. У 2011 годзе Матор Січ набыла Аршанскі авіярамонтны завод. Аднак супрацоўніцтва не атрымалася. У 2018 годзе Лукашэнка нацыяналізаваў прадпрыемства.