Расейскі фронт развальваецца ў трох месцах пад Херсонам
6- 5.10.2022, 7:40
- 24,396
Пад ударамі УСУ акупанты спешна адыходзяць да Новай Кахоўкі.
Наступ УСУ на Херсонскім кірунку фронту набывае ўсё большыя маштабы – пад націскам удараў украінскай арміі адразу з трох бакоў расейцы пачалі адступаць у кірунку Херсона, паведамляе dialog.ua.
Пасля шматдзённых нападаў УСУ ўзялі пад кантроль Давыдаў Брод – сяло ў Вялікааляксандраўскім раёне Херсонскай вобласці, размешчанае на ўсходнім беразе ракі Інгулец.
Ключавы для фронту населены пункт поўнасцю кантралюецца ўкраінскімі вайскоўцамі, адкуль пачалі паступаць відэа і фота пацверджання вызвалення. Давыдаў Брод як і Белагорка, былі моцнымі апорнымі пунктамі расейскай арміі, якая ноччу пасля стратаў і няспынных удараў УСУ пачала адыходзіць.
У Стараселлі таксама знаходзяцца ўкраінскія вайскоўцы. Такім чынам, пры вывучэнні мапы становяцца зразумелыя агульныя контуры маштабнага прасоўвання УСУ, якое ажыццяўляецца як мінімум з трох кірункаў.
Ваенны эксперт, каардынатар групы «Інфармацыйны супраціў» Аляксандр Каваленка ў сваім тэлеграм-канале адзначае, што пасля вызвалення Давыдава Брода працэс наступу ўкраінскай арміі паскорыцца ў некалькі разоў.
«Цяпер працэс паглыблення ў правабярэжку паскорыцца ў некалькі разоў. ДБ быў каменем спатыкнення для паскарэння працэсаў з поўначы. Паўночны і Паўночна-ўсходні кірунак адначасова РАВ не змогуць блакаваць ад слова ніяк. Застаюцца расейцам толькі ўцёкі праз Новую Кахоўку ці ў Херсон, а адтуль, калі не паспеюць, то толькі ў фармаце “200-я”, “300-я”, “400-я”», – адзначыў ён.
Расейскі дыверсант Ігар Стралкоў-Гіркін таксама паведамляе пра цяжкую сітуацыю для войска РФ на двух кірунках фронту, дзе пад націскам УСУ акупанты адыходзяць.